रोजगारीका लागि करिब ९ बर्ष पहिला कोरिया आएका एक नेपाली युवाले कोरियन भाषा अध्यन सम्बन्धि मोबाइल एप्लिकेसन तयार पारेका छन l कोरियाको छाल्लानाम्दो स्थित एक कम्पनीमा कार्यरत  चितवनका पवन सिलवालले उक्त एप्लिकेसन तयार गरेका  हुन् l

कोरियन भाषा अध्यनमा सहज हुने उक्त एपमा धेरै जसो कोरियन क्रियापद हरुलाई नेपाली भाषामा उल्था गरिएको छ l कोरियामा कामको बाबजुत पनि बचेको समयलाई सदुपयोग गरि  करिब ६ महिना लामो प्रयास पछी उक्त एप्लिकेसन तयार पार्न सफल भएको बताए l

आफुले कोरिया बस्दा सिकेको भाषिक ज्ञानलाई सबैको सामु प्रस्तुत प्रस्तुत गर्न पाउदा अत्यन्तै खुसि लागेको हेल्लो नेपाल कोरिया डट कम संगको कुराकानिमा सिलवालले बताए l

कोरियन भाषा नाम दिइएको उक्त एप्लिकेसन बनाउनुको  मुख्य  उदेश्य  नेपाल,  कोरिया तथा अन्य देशमा रहेका नेपाली हरुले सजिलै कोरियन भाषा सिकुन भन्ने रहेको सिलवाल बताउछन l उनले  यो बाहेक अन्य २ वटा एप्सको प्रोजेक्ट पनि तयार गरेको र केहि दीनामै प्ले स्टोरमा आउने बताए l

मोबाइलको प्ले स्टोरमा गइ  कोरियन भाषा (koreanbhasa ) अंग्रेजीमा टाइप गरेपछि उक्त एप्लिकेसन सजिलै डाउनलोड गर्न सकिन्छ l भाषाको मुख्य जरो कोरियन  क्रियापद हरुलाई नेपालीमा उल्था गरि राखिएको उक्त एपमा दैनिक प्रयोगका शब्द हरुलाई अपडेट गर्दै जाने उनि बताउछन l हाल उनले तयार गरेको एप्लिकेशन कोरिया गुगल प्ले स्टोरमा ट्रेन्डीङ् पेजको १० औं स्थानमा छ l