LINK-ASIA COMPANY LTD. Nepal Tour Company Ltd. NIK Nepal Travel Subhechha Mart and Restaurant GME REMIT

कोरियाको रेडलाइट क्षेत्रकी पेसेवर युवतीसँगको प्रेम

निकुञ्ज तिवारी
ठीक अपोजिट पर्दाबाट आइरहेको युवतीको आवाजतर्फ मेरो ध्यान गयो । “तँलाई मैले कतिपटक सम्झाएकी छु हँ ? धेरै पिएर यहाँ नआ है भनेर !” ऊ फतफताउँदै बाहिर निस्की । टि–टेबलको घर्रा घरर्र तानी । चुरोट निकाली र बलिरहेको ग्याँस हिटरमा झोंसी । दुई ओंठले बेस्सरी च्याँप्दै लामो सर्को तानी ।

नाकको पोराबाट फ्याँकेको सिगरेटको धूँवालाई दुई ओंठको हावाले वायुमण्डलतिर धकेल्दै भनी, “क्रेजी आप्रवासी ! तँसँग म बिहे गर्न सक्दिनँ । जति गर्नु छ यहीँ गर् । रहर पूरा गर् र जा ।”

ऊ दाँत किट्छे र च्याँठ्ठिदै भन्छे, “पैसा तिरेको छु भन्दैमा जथाभावी बोल्ने ? के म तेरो मोबाइलमा डाउनलोड गर्न मिल्ने गेम हो ? चाहेको बेला इन्स्टल गर्ने र भरपूर मनोरञ्जन लिने अनि नचाहँदा अनइन्स्टल गर्ने र भुल्ने ?”

युवकले घ्याँच्च ढोका खोल्यो । केही बोलेन । मात्रै फर्केर राता आँखाले पर्लक्क हेर्‍यो । फेरि ड्याम्म ढोका धकेल्यो र ढलमलाउँदै बायाँतिर मोडियो ।

त्यसपछि ऊ सरासर म भएतिर आई र फत्फाताई, “यो त सामान्य हो । यहाँ किसिम–किसिमका पुरुषहरू आउँछन् । यस्ता पियक्कडहरू मर्दपनभन्दा पनि मूर्खपन देखाएर जान्छन् । छोड् यी कुरा ! तँ के लिन्छस् ? ब्ल्याक, रेड वा मिक्स ?”

“ब्ल्याक । तर, कफी है ।”

झिकिसकेको ब्ल्याक वाइनको जम्बो बोतल सिसाको ¥याकमा राख्दै नजिकैको कफी मेसिनको ब्ल्याक बटन थिची । अटोमेटिक मेसिनबाट कप झरेर कफीको धाराले कप भरिँदै गयो ।

“अँ ! शायद, मेरोमा आउनेमध्ये तँ नै हुनुपर्छ अल्कोहलिक पदार्थ पिउन नजानेको हट पुरुष । र, इमान्दार साथी ।” उसले निकै सतर्क भावमा व्यङ्ग्य गरी र आँखा टेढो पार्दै ङिच्च हाँसी ।

“रक्सी नपिउनेहरू सबै सज्जन हुँदैनन् प्रिय ! र, पिउनेहरू सबै खराब पनि हुँदैनन् ।”

मेरो हातमा कफी थमाई । आफूले पिउँदै गरेको ग्लासको रेड वाइन एकै घुट्कीमा रित्याई र चुरोट सल्काई । नाकको बायाँ प्वालबाट निस्केको बाक्लो धूँवाको मुस्लो सिलिङतिर हुत्याउँदै बोली, “मैले त्यसो भन्न खोजेकी होइन । रक्सी पिउनेहरू सज्जन पनि छन् र खराब पनि छन् । रक्सी नपिउनेहरू खराब पनि छन् र सज्जन पनि छन् । त्यो पिलाइमा भर पर्ने हो । म मेरो पेसासँग मात्र रिलेटेड छु । म निकै न्यारो घेरामा छु । तर मेरा ग्राहकहरू प्रायःमा त्यो अभाव देखेकी छु ।”

मैले ऊप्रति मौन रही आँखाको माध्यमले सहानुभूति जनाएँ ।

“कहिलेकाहीँ निकै राम्रा, भलाद्मी, ज्ञानी र सज्जन मानिसहरूसँग संसर्ग गर्छु । लाग्छ, संसारको सबैभन्दा खराब र कुरूप आइमाई म नै हुँ ।”

“अनि तँलाई यस्तो किन लाग्दैन ?” औंलाले मच्याकमुचुक पारिदिएको कफीको कागजलाई डस्टबिनतिर हुत्याउँदै मैले थपिदिएँ, “कहिलेकाहीँ पक्कै पनि अति खराब, मूर्ख, घमण्डी र अहम् भरिएका पुरुषहरूसँग तेरो संसर्ग हुन्छ । त्यस्तो बेला तँलाई लाग्दैन, आफू ज्ञानी, सज्जन, भलाद्मी र सुन्दर महिला हुँ भन्ने ?”

सुन्दासुन्दै उसले अग्लो हिल भएको कप कोल्ट्याई । कप भरिएर पोखिनै लाग्दासम्म जम्बो बोतलबाट खन्याउन छोडिन ।

“आफूलाई त यही मन पर्छ र यसले पनि आफूलाई नै मन पराउँछ ।”

चार छिद्रासँगै सोह्रवटा दाँत देखिने गरी खितित्त खित्का छोडी । लाग्छ, उसको हाँसोमा अलिकति पीडा, अलिकति रोदन, अलिकति पश्चात्ताप र अलिकति हीनता मिसिएको छ ।

मैले अल्कोहलजन्य पदार्थ नपिएकोमा यसपालि उसको मुखबाट कुनै व्यङ्ग्य आएन । शायद व्यङ्ग्य गर्ने शब्द नभएर होला ! ऊ मलाई तथानाम भन्थी, “तँ नामर्द होस् । तँ बच्चा होस् । तेरो मुटु छैन । तेरो मन छैन । तेरो आँट छैन । तँलाई प्रेम के हो, जीवन के हो, हाँसो, खुसी, दुःख र आँसु केही पनि थाहा छैन ।”

खिस्स हाँस्थी र भन्थी, “अल्कोहल पिउन नजानेको मर्द !”

अनि मैले मुस्कुराउँदै भन्थें, “तिमीले सिकाइदेऊ न प्रिया ! म सबै सिकिहाल्छु नि ।”

टिलपिल टिलपिल कपबाट ह्वास्स गन्ध आइरहेको रक्सी अलिकति सुरुप्प तान्छे र घुटुक्क निल्छे । एक फ्वाँक धूँवा तानेर फोक्सोसम्म पु¥याउँछे ।

“यो रक्सीले जति माया मलाई कसैले गरेन । यो कप, यो चुरोट र यो बैंसलाई जति माया मैले कसैलाई पनि गरिनँ । म छु र यो बैंस छ । यो बैंस छ र म छु । तँजस्ता भनेका जीविकोपार्जनका लागि मात्र हुन् ।”

“जीविकोपार्जनका लागि अन्य विकल्पहरू पनि त थिए । यही नै तैंले किन रोजिस् त ?”

मेरो कुरा उसलाई नमीठो लाग्यो । कपको सप्पै स्वाट्टै निली ।

“हो ।”

ऊ जर्र्की । उसका आँखा राता भइरहेका थिए । छोडिरहेको लामो सिल्की कपाल गुजुल्टो पार्दै बोली, “बितिसकेको विगतलाई सम्झेर केही हुनेवाला छैन । न त नदेखेको भविष्य नै सम्झेर केही होला ! जे छ, जस्तो छ, आजै रमाउनुपर्छ । ईश्वरले मलाई यो सुन्दर आज दिएका छन् । आजको भरपूर उपयोग गर्नु नै बाँच्नुको सार्थकता हुन्छ ।”

ऊ अलिकति आत्मीयता र अलिकति आफ्नोपनको आभासमा मलीन हुँदै बोली, “म हरेक पल सम्झिन चाहन्नँ । ती बलात्कृत ओंठहरू । मेरा अंगहरू पटकौंपटक पल्टाइएका थिए, मेरो बैंस चिथोरिएको थियो, मेरा लाजहरू निमोठिएका थिए, मलाई जुठ्याएका थिए र यो गल्लीको पेसेवर बन्न बाध्य तुल्याएका थिए ।”

“उउउससस्,” लामो सास तान्छे । मानौं उसको श्वासप्रश्वास मरुभूमिको बालुवामा ह्वारह्वार्ती जलिरहेको हावाको रापजस्तै रफ्तारमा छ, तेज छ र आवेगमा छ ।

“यो रक्सी निकै कडा छ । एक कपमै झुमझुम पार्छ । प्रिय रक्सी ! आऊ मेरो नसानसामा मस्ती थप ।”

ऊ अर्को पटक सिसाको कप र आेंठ मिलाउँछे । पुत्ताइरहेको सिगरेटको एक सर्को तान्छे ।

“सिगरेटको धूँवाजस्तै हो जीवन । पुत्ताउन्जेल मोज, निभेपछि पत्तासाफ ।”

“एउटा कुरा सोधूँ ?”

“के ? भन् न त ।”

“म पेसेवर हुँ भन्ने थाहा पाउँदापाउँदै तँ किन पछ्याइरहन्छस् ?”

“के तँलाई पछ्याउन हुँदैन ?”

“हुन्छ । तर तँ अलि बढी नै डिप्ली भइरहेको छस् । जेहोस् तँ मज्जाको मान्छे छस् ।”

“तँ पनि ।”

हल्का मुस्कुराउँदै दाँतले जिब्रो टोकी । म पनि मुस्काइदिएँ । ऊ मस्त लजाई । लज्जित हुँदा उसको अनुहार हान नदीको पानीजस्तै चलायमान भयो ।

“अचाक्ली माया गर्छन् मान्छेहरू मलाई । वेश्यालयमा आएर खोक्रो माया देखाउने तँजस्ता धेरै देखेकी छु मैले । तर तँ अलिक पृथक् छस् । प्रायः पुरुषहरू मप्रति आकर्षित हुन्छन् तर म तँप्रति आकर्षित हुँदैछु ।”

म चूपचाप उसका वृत्तान्तहरू सुनिरहें ।

“पख् है,” भन्दै ऊ ढोकातिर दौडिई र खिस्स मुस्कुराई । बाहिरबाट कसैले चिहाइरहेको रहेछ ।

पुत्ताइरहेको चुरोटको ठुटो देबे्र दुई औंलाले च्यापेको र दाहिने हातले क्यास बियरको क्यान समाएको चुच्चेनाके युवकले पहेंलो पर्दाको ढोकाअगाडिबाटै इसारा ग¥यो ।

बाफिलो निकोटिनमिश्रित कालो धूँवा नाकको पोराबाट जमिनतिर हुत्याउँदै दायाँ हात र निधारसँगै उचाल्यो । “कति हो ?” साँझको मन्द प्रकाशमा आधा खुला ढोकाबाट चिहाई निधार र आँखाको इसारामा उसले दुई पटकको मूल्य सोध्यो ।

९० प्रतिशत नग्न अवस्थामा काँचको ढोकाबाट आधा शरीर बाहिर र आधा भित्र बनाउँदै ऊ आठ औँला उठाउँदै मुस्कुराई र बोलाई, “राम्रो सुविधा दिन्छु ।”

यसपटकमात्र होइन । उसले बारम्बार त्यही भन्थी र ग्राहकलाई आकर्षित गर्थी । तर, पैसाको मोलमोलाइ उसलाई मन पर्दैन ।

चुच्चेनाके युवकले अनुहार रातो बनाउँदै फेरि सोध्यो, “पाँचमा हुँदैन ?”

“अहँ, हुँदैन,” भित्र फर्किंदै उसले नाइँको मुन्टो हल्लाइदिई ।

युवकले क्यानको मुख तल्लो ओंठमा अड्यायो । घुटुघुटु बियर घुट्कायो र अन्तिम पटक पाँच औंला उठाई अनुहार हल्लायो, “हँुदै हुँदैन त ?”

उसले लगत्तै सात औंला उठाई र इसाराले रातो पर्दातिर देखाई, “नत्र हुन्न । जा उता ।”

ऊ लज्जित हुँदै चोकतिर लम्क्यो । तल पुगेर क्यानको बियर घुटुघुटु पार्‍यो र बोतल सडक किनारमा ट्यान्रयाङ्ग बज्ने गरी मिल्कायो । चुरोट सल्काउँदै बाटो मोडियो ।

तेस्रो पटकमा पनि ग्राहक मञ्जुर नभएकोमा खिन्नता प्रकट गरी र रातोनीलो अनुहार बनाउँदै गुनासो गर्नतर्फ लागी ।

“आफ्नो रहर, इच्छा र चाहनाको बार्गेनिङ नगर्ने पुरुषहरू कमै देखेकी छु मैले,” घरर्र सिसाको ढोका तानेर फत्फताउन थाली, “बैंसलाई पैसामा बार्गेनिङ गरेको मलाई एकरत्ति पनि चित्त बुझ्दैन । मेरो रहर, इच्छा र चाहनाले सजिएकी हैन र बेचिएकी हैन पनि । अरूको चाहनाका लागि सजिएकी छु । बैँसको बार्गेनिङ गर्ने यस्ता लोग्नेमान्छे मलाई हेट लाग्छ ।”

बलिरहेको हिटरमा उसले चुरोट ठोसी र लामो सर्को तान्दै पुत्ताई, “आज बिदाको दिन हो । एक नआए अर्को, अर्को नआए अर्को । पेसा नै यही भएपछि मैले किन बार्गेनिङमा गर्न दिने ?”

“म भने सिंगो शरीरै दिन तयार छु । ऊ डिस्काउन्टको कुरा गर्छ । ल तँ भन् त, चाहनाको कुनै डिस्काउन्ट हुन्छ ?”

“चाहनाको मूल्य पनि त हुँदैन ।”

“हामी त्यस्तो बुझ्दैनौं । हाम्रा पनि त बाध्यता छन् । चित्त बुझ्छ आउँछन्, स्पर्श गर्छन् । म राम्ररी सेवा दिन्छु । चित्त बुझ्दैन, स्पर्शविहीन स्पर्श गर्छन् र अर्को ढोका चियाउँछन् ।”

मैले चूपचाप उसका कुरा सुनिरहें । आवेगमा आएको अनुहारलाई शान्त पार्दै यसपालि उसले गम्भीर कुरा गरी ।

“तँ बफादार छस् । इमान्दार छस् । सज्जन छस् । अनुशासित छस् । राम्रो छस् । त्यसैले मेरो प्रिय छस् । म यहाँबाट मुक्ति चाहन्छु । यो पेसा छोड्न चाहन्छु । घरगृहस्थी बसाउन चाहन्छु । पूर्ण नारी हुन चाहन्छु । त्यसैले के तँ मलाई बिहे गर्छस् ?”

ढोकामा फेरि कोही आयो । केही नबोली भित्र छिर्‍यो । उसले कुनै बार्गेनिङ गरेन । उसले सिसाको घर्रा बन्द गरी र पर्दा सारी ।

पल्याकपुलुक हेर्दै ऊ तन्नातिरै लम्कियो । उत्सव मनाउने अभियानमा आएको ऊ उत्सवलाई महोत्सवमा रूपान्तरण गर्ने सुरमा देखिन्थ्यो ।

उसले तन्ना मिलाउन लागी र आफ्नो तयारी पनि । म बाहिर निस्किएँ ।
प्रकाशित मिति : २०७४ असोज ०८ (September 24, 2017)

प्रतिक्रियाहरु


Sagar aryal wrote on 23 September, 2017
Ramro lago .. heart touching story..

तपाईको प्रतिक्रिया

Advertise with us

प्रमुख समाचारका थप शिर्षकहरु

• कोरियामा नेपाली सांगीतिक कार्यक्रमको मोह बढ्दो

• कोरियामा नेपाल आइडलकी रक गायिका सामू एक दर्शक धुरु धुरु रोए

• रेसुङ्गा झलकले कोरियाको नेपाली साँगितिक इतिहासमा रेकर्ड तोड्यो

• रेसुङ्गा सास्कृतिक झलक३का अामन्त्रित सबै कलाकारलाई विमानस्थलमा यसरि गरियाे स्वागत ।

• नेपकोरको अल्र्टामोर्डन सलनाल मास्क पार्टीको तयारी पुरा, स्थानिय प्रशासनबाट स्वीकृति

• कोरियाको एडभान्स प्रविधियुक्त रेमिट्यान्स कम्पनी हानपासले जारी गर्यो रुममै बसेर एकाउन्ट खोल्ने सकिने सुविधा(भिडियो)

• कोरियाले ११ सयको लेवर कन्ट्रयाक्ट पठायो, थप ११ सयको लेवर कन्ट्रयाक्ट आउदै

• रेसुंगा सांस्कृतिक झलकका कालाकार हरु कोरिया आउने क्रम जारि ,सुगम र केंजल कोरिया आइपुगे

• रेसुंगा सांस्कृतिक झलकको सम्पूर्ण तयारि पुरा , कलाकार १५ तारिख सम्म कोरिया आइपुग्ने

• धादिङ्ग समाज दक्षिण कोरियाले ग्रामिण भेगमा अस्पताल निर्माण गर्ने

• अत्याधुनिक रेमिट्यान्स कम्पनी हानपासले कम शुल्कमा सलनालबाट कारोबार शुरु गर्दै, अनलाइनबाट नै फर्म दर्ता

• रेसुङ्गा साँस्कृतिक झलक ३ असफल पार्न केहि कुतत्व अप्रत्यासित तवरले लागिपरेको भन्दै आयोजकले निकाल्यो यस्तो विज्ञप्ती

• सलनालामा आयोजित कार्यक्रमहरुलाई सफल पारिदिनुहुन एनसीसी कोरियाको अपिल

• दक्षिण कोरियाका राष्ट्रपतिलाई उत्तर कोरियाको भ्रमण निम्तो, दाइ किम भेट्न आतुर रहेको बहिनीको भनाई

• कोरियन कम्पनीहरुले भने नेपालमा पढाइ हुने भाषा कक्षा गतिलो भएन

• किम जोंग उनकी बहिनी दक्षिण कोरिया पुगिन

• फ्याङछाङ शितकालिन ओलम्पिक खेल आजबाट शुरु हुदै, साँझ भब्य समारोहकाबीच उद्घाटन

• अबैध रुपमा मानिसालाई दक्षिण कोरिया पुर्याएको भन्दै कलाकार राजेन्द्र खड्गीमाथि सीआईबीले थाल्यो अनुसन्धान

• उत्तर कोरियालि नेता किम जोनकी बहिनी दक्षिण कोरियाको ओलम्पिकमा सहभागी हुने

• ठुलो संख्यामा उत्तर कोरियाली सांगीतिक टोलि दक्षिण कोरिया आइपुग्यो

जनमत

चुटकिलाहरु पढेर
पेट मिचि मिचि हाँस्न चाहनुहुन्छ ??
यहाँ क्लिक गर्नुहोस् ।

GLOBAL Mart & DURGA Restaurant Hanpass Remittance Sunrise Bank in Korea Kasam Restaurant Namaste Restaurant Resunga Musical
अत्याधुनिक रेमिट्यान्स कम्पनी हानपासले कम शुल्कमा सलनालबाट कारोबार शुरु गर्दै, अनलाइनबाट नै फर्म दर्तारेसुङ्गा झलकले कोरियाको नेपाली साँगितिक इतिहासमा रेकर्ड तोड्यो कोरियन कम्पनीहरुले भने नेपालमा पढाइ हुने भाषा कक्षा गतिलो भएनरेसुंगा सांस्कृतिक झलकका कालाकार हरु कोरिया आउने क्रम जारि ,सुगम र केंजल कोरिया आइपुगे कोरियामा तापक्रम माइनस १६ भएपछि आज कोल्डवेभ सचेतना जारी, भोली ५३.५ सेन्टिमिटर सम्म हिमपात हुनेदक्षिण कोरियाका राष्ट्रपतिलाई उत्तर कोरियाको भ्रमण निम्तो, दाइ किम भेट्न आतुर रहेको बहिनीको भनाईकोरियाको एडभान्स प्रविधियुक्त रेमिट्यान्स कम्पनी हानपासले जारी गर्यो रुममै बसेर एकाउन्ट खोल्ने सकिने सुविधा(भिडियो)कोरियामा मेरा फ्यान धेरै रहेछन्ः सोनिका रोकाया
कोरियाको तापक्रम माइनस १९ डिग्री पुग्ने भएपछी मौसम बिभाग द्वारा आपतकालीन सचेतना जारि तलब वृद्धिपछि कोरियाका कम्पनीका थरी थरिका हतकण्डा, कतै सुविधा कटौति, कतै बेवास्ता कोरियाले २०१८ का लागि कामदारको कोटा निर्धारण गर्यो, कुन क्षेत्रमा कति ? कोरियामा कार्यरत नेपालीलाई खुसि खबर, नागरिक लगानी कोषको नागरिक एकांक योजनाअत्याधुनिक रेमिट्यान्स कम्पनी हानपासले कम शुल्कमा सलनालबाट कारोबार शुरु गर्दै, अनलाइनबाट नै फर्म दर्तासिविटी परिक्षालाई निरन्तरता दिन एचआरडी कोरिया पोजिटिभः डिल्लीराम बास्तोलारेसुङ्गा झलकले कोरियाको नेपाली साँगितिक इतिहासमा रेकर्ड तोड्यो कोरिया बाट नेपाल फर्किने टिकट लिएका एक नेपाली मृत फेला
Women for Women Help Nepal Network Get Membership of MTU रविन्द्र मिश्रका कविता Sahayog
Face Of The Week
Face of The Week -- Rajendra Singh Mahara Rajendra Singh Mahara
Date of Birth : 16 January, 1993
Address: Anseong si chhuksan myeon chhangeri
Hometown : Mahendranagar,kanchanpur
Occupation : Factory worker
Hobbies : Traking
E-mail : rajendramahara333@gmail.com
Listen BBC Nepali Radio Listen Radio KOREA DARPAN Listen Radio Program Hello Seoul EPS Nepal