सन् २०१६ को जुलाई महीनामा दक्षिण कोरियाको उपभोक्ता मूल्यमा आधारित मुद्रास्फीति (सीपीआई)मा उच्च कमी आएको एक सरकारी प्रतिवेदनले देखाएको छ । अन्तरराष्ट्रिय बजारमा कच्चा तेलको भाउमा लगातार आएको कमीले अर्थतन्त्रलाई प्रभावित बनाएका कारण गत महीना सीपीआई शून्य दशमलव ७ प्रतिशतमा ओर्लिएको थियो । गत महीनाको सीपीआई विगत १० महीनाकै न्यून रहेको कोरियाली तथ्याङ्क कार्यालयले बताएको छ ।

गत फेब्रुअरी महीनामा मुद्रास्फीति १ दशमलव २ प्रतिशतको कीर्तिमानी उचाइमा पुगेको थियो भने अप्रिल र जुनमा क्रमशः १ प्रतिशत र शून्य दशमलव ८ प्रतिशत थियो । गत महीना तेलजन्य उत्पादनको भाउ ८ दशमलव ९ प्रतिशत घटेको थिया, जसले प्रमुख मुद्रास्फीति शून्य दशमलव ३८ प्रतिशतले घटाएको थियो । त्यस्तै सो अवधिमा कृषिजन्य वस्तुको भाउ पनि ४ प्रतिशत घटेको थियो र यसले मुद्रास्फीतिमा शून्य दशमलव १५ प्रतिशतको कमी ल्याएको थियो । उता बिजुली, धाराको पानी र ग्यासको भाउमा पनि ३ दशमलव ९ प्रतिशतको कमी आएको थियो । रासस/सिन्ह्वा