नेपलीज गर्ल्स ग्रुप कोरियाले कोरियाको महान चाड छुसकको पहिलो दिन १४ तारिख भब्य डान्स पार्टी कार्यक्रमको आयोजना गर्ने भएको छ । नेपालीहरुको बजार भनेर चिनिने दोङदेमुन बजारमा रहेको नमस्ते रेष्टुरेण्ट नजिकै रहेको छा छा छा नाइट क्लवमा उक्त डान्स पार्टीको आयोजना गरिएको हो ।  बेलुकी ७ बजेदेखि बिहान ५ बजेसम्म डिजे एनिशा रक र डिजे नेश रकको साथमा डान्स पार्टीमा भरपुर मनोरोन्जन लिन सकिनेछ ।  कार्यक्रममा युवाहरुको बाक्लो उपस्थिति रहने आयोजकले बताएको छ । कोरियाम रहेका नेपाली दाजुभाई तथा दिदीबहिनीहरुले जो सुकैले पनि डान्स पार्टीको मजा लिन सक्नेछन् । लेडिजलाई कार्यक्रममा प्रवेश निशुल्क गरिएको आयोजक समुहकी एक सदस्यले बताइन ।

नेपलीज गल्र्स कोरियामा २३ जना सदस्य रहेका छन् । उनिहरुको आयोजनामा नै उक्त डान्स पार्टी हुन लागेको हो । कार्यक्रमबाट मुनाफा आएको रकमबाट केहि रकम नेपालको बाढी पिडितहरुका लागि सहयोग गरिने गल्र्स गु्रपकी एक सदस्यले जानकारी दिइन । कार्यक्रमलाई नेप ब्वायजले सपोर्ट गरेको छ ।

हाल दक्षिण कोरियामा नेपालीहरु करिब ४० हजारको संख्यामा रहेका छ्न । त्यती ठूलो संख्यामा रहेका नेपालीहरु छुसकको बिदामा प्राय जसो कोरियामा नेपाली बजार भनेर चिनिने दोङदेमुनमा भेला हुने गर्दछन् । वर्षभरिको कामको थकान मेटाउन नेपालीहरु डान्स पार्टीको मजा लिने गर्दछन् । कोरियामा अहिले डान्स पार्टी कार्यक्रम  निकै चलेको छ । यस्ता कार्यक्रमले मानिसको मानसिक तनाव कम गर्नुको साथै डान्सले शरिरमा केहि स्फुर्तपना ल्याउन सहयोग गर्दछ ।