दक्षिण कोरियामा झापा मिलन समाजले आयोजना गर्न लागेको कन्काई सांगीतिक सौगातमा नेपालका निकै चर्चित कलाकारहरु आउने भएका छन । कार्यक्रममा कलाकारहरुको छनोट उत्कृष्ट रहेकाले कार्यक्रमको बारेमा दक्षिण कोरियामा यसको चर्चा चुलिएको छ ।

कलाकारहरु गायक प्रमोद खरेल, हाँस्य अभिनेता विल्सन विक्रम राइ (तक्मे बुढा), गायक दिपक लिम्बू, नायिका प्रियंका कार्की, गायिका इन्दिरा जोशी, तथा गायक अल्मोडा राना उप्रेति रहेका छन् । 

 

कोरियामा रहेका हरेक नेपालीहरुलाइ सुविधा होस भन्ने लक्ष्यका साथ यस संस्थाले “पाथीभरा आवास गृह” सन्चालन गरिरहेको छ । यही आवास गृहलाइ सहयोग पुगोस भनेर झापा मिलन समाज दक्षिण कोरियाले कन्काइ सांगितीक सौग़ात नामक सांगितीक धमाकाको आयोजना गरेको हो । कोरियाको महान चार्ड छुसकको अवसर पारेर २०१६ सेप्टेम्वर १५ तारिक ९छुसकको दोस्रो दिन० मा उक्त सांगितीक कार्यक्रम हुने भएको छ ।