|
लन्डन ओलम्पिक खेलका आयोजक संस्था लोकोगले ओलम्पिक खेलका पहिला तीन दिनका प्रतिस्पर्धाहरू २० लाखभन्दा बढी दर्शकले हेरेको जानकारी दिएको छ । फुटबलका करिब पाँच लाख दर्शकका साथ करिब आठ लाख ५६ हजार प्रशंसकले शनिबारका खेल हेरेको तथा आइतबार करिब नौ लाख दर्शक सहभागी भएको लोकोगले उल्लेख गरेको छ । सोमबार फुटबल खेल नभए पनि तीन लाख ७० हजार दर्शकले विभिन्न प्रतिस्पर्धा हेरेको उल्लेख गरिएको छ । तीन दिनका खेलमा ८६ प्रतिशत, ९२ प्रतिशत तथा ८८ प्रतिशत दर्शक सहभागिता रहेको देखिएको छ । ओलम्पिक खेलका टिकट किन्न खोज्ने धेरै बेलायती नागरिकको चाहना पूरा नहुँदा तथा खेलस्थलको दर्शकस्थान खाली देखिन थालेपछि आयोजकहरूको कडै रूपमा आलोचना भएको थियो ।
लोकोगले दर्शकको खाली स्थान अधिकारीहरूका लागि छुट्याइएको उल्लेख गरेको छ । अन्तर्राष्ट्रिय खेल महासङ्घबाट करिब तीन हजार आठ सय टिकट प्राप्त भएको र यसलाई सोमबार बिक्रीमा राखिएको बताइएको छ । रासस÷एएफपी
|
मुख्य पृष्ठ
हेनेको सम्वाददाता 
