टाइटानिक नायिका केट विन्स्लेटको वैवाहिक जीवनमा फाटो ल्याएको भनी आरोप लागेकी सुन्दरी नायिका रिबेका हलले अहिले आएर केटकी पूर्वपति तथा ओस्कार विजेता निर्देशक साम मेन्डेससँग रोमान्समा रहेको कुरा स्वीकार गरेकी छिन् ।
निर्देशक साम मेन्डेसका प्रवक्ताले पनि २९ वर्षिया नायिकासँग साम रोमान्समा रहेको कुरालाई स्वीकार गरेका छन् । यो जोडी लन्डनमा एकसाथ बस्दै आएको विश्वास गरिएको छ जहाँ ४६ वर्षिया निर्देशक साम मेन्डेसले जेम्स् बोन्डको फिल्म "स्काइफल” निर्देशन गरिरहेका छन् ।
साम मेन्डेस र केट विन्स्लेटको छ वर्षिया वैवाहिक जीवन समाप्त भएको १८ महिनापछि यो समाचार सार्वजनिक भएको छ । विन्स्लेटले पनि आफ्नो पतिको रिबेकासँगको निकटतादेखि दिक्क हुँदै सम्बन्ध अन्त्य गरेको बताइएको छ ।
पूर्व पत्नी बाट ८ वर्षिया छोरा "जो" समेत रहेको मेन्डेस निकट श्रोतका अनुसार रिबेकासँग साथीको भन्दा बढी सम्बन्ध नरहेको दाबी गरेका छन् । १९९९ मा साम र रिबेकाको भेट फिल्म "अमेरिकन ब्युिट” मा भएको थियो ।

 (एजेन्सी)